نشرت الفنانة يسرا منذ قليل عبر صفحتها بـ”انستجرام” منشور تستعيد فيه ذكرى رحيل والدتها منذ عامين، وقالت “أمي الغالية سنتين فاتوا على فراقك، وحشتيني أوي وحقيقي الحياة من بعدك فيها حاجة ناقصة أوى بالنسبة لي، خدتي معاكي يا أمي الفرح كله والحزن كله معاكي، كل حاجة بقت شبه بعضها من بعدك”.
وأضافت يسرا “يمكن الحاجة اللي مصبرة قلبي على فراقك إني عارفة إنك في مكان أحسن وأنضف وأنقى، مكان مليان حب وسلام وتسبيح لرب الكون سبحانه وتعالي، وحشتيني ووحشني حضنك وطبطبتك عليا وأنا في حضنك، حقيقي أنا عايشة برضاكي وبرك عليا ربنا ما يحرمني من برك عليا، ربنا يجمعني بيكي على خير، بشكر كل حد فاكر أمي في دعائه وربنا مايحرمكوش من أي عزيز أو غالي، فضلًا وليس أمرًا برجاء الدعاء وقراءة الفاتحة”.
اترك تعليقاً
