قالت رشا حسن، شقيقة “تقى”، ضحية التعذيب على يد زوجها، لمدة 3 أيام، بمدينة العبور، إن شقيقتها عذبت لمدة 3 أيام، معقبة: «كانت محبوسة، وإحنا مش عارفين نوصل لها».
وأضافت “رشا”، خلال مداخلة هاتفية ببرنامج “هنا العاصمة”، المُذاع عبر فضائية “سي بي سي”،: «كنا بنتصل عليها زوجها يرد يقولنا تقي مش هتعرف ترد عليكم، وكان بيشك فيها وياخد التليفون بتاعها، وكانت أختي التانية بعتت ليها خلخال في رجليها، وبتقولها أنا جبت لك خلخال زي دا يا تقي، وهو شاف الصورة قالها دي مش صورة رجل أختك ودي صورتك إنتي وكنتي بتبعتيها لحد».
وأشارت: «تقي سابت البيت بسبب الشك إللي كان فيه، وفضل يتحايل عليها علشان يرجعها البيت تاني، علشان يعمل فيها إللي هو عايزه، وعذبها بكل أنواع التعذيب»، متابعة: «كانت بتبوس على رجله؛ علشان يرحمها».
اترك تعليقاً