أعلن الفنان محمود العسيلى اعتذاره رسميا على ما صدر منه فى أزمته الأخيرة مع أحد أفراد جمهوره الذى كان يرغب فى التقاط صورة معه أثناء حضور حفل له.
وقال العسيلى عبر حسابه على موقع التواصل الاجتماعى انستجرام :”أي فنان عارف إنه من غير جمهوره ولا حاجة وصفر عالشمال، وإن من تواضع لله رفعه.. بعتذر بشدة لكل الناس اللي اتضايقت من الفيديو اللي انتشر وبعترف إني كنت غير موفق تمامًا في اختيار الألفاظ، ولكن الصورة والله ناقصة وكان كل نيتي عدم تمييز حد عن حد أثناء الحفلة. أنا أسف مرة تانية”
وتابع العسيلى : “النقطة التانية إني حاولت أقول للشخص اللي بكلمه إن ماينفعش عشان الناس دي كلها لازم تتصور ٣ مرات برا المايك، ولكن هو كان لحوح جدا وكان مصمم وكان صوته عالي جدا وبيزعق وأنا مش عارف أغني، فللأسف قلتله كده بحسن نية وكل الكلام ده مش باين في الفيديو. اعتذار”.
وأضاف العسيلى: “بعتذر لكل الناس اللي اتضايقت وأتمنى إني أكون عرفت أوضح الموقف”.
