قالت النجمة الكبيرة إلهام شاهين إنها تحب كل جديد ومختلف، مؤكدة أن فيلم حظر تجول يقدم سينما ليها قيمتها وبتخدم المجتمع وليها رسالتها، وأضافت : “اللى (ميجرؤش) عليه أى فنانين تلاقى إلهام شاهين تتجرأ طالما هادف وتعمله، وفى موضوعات كتير بيخافوا منها أنا مش بخاف، بالعكس كل ما بلاقى موضوعات جريئة بكون مقبلة عليها أكتر”.
وأكدت النجمة إلهام شاهين: “شرف لنا تمثيل مصر فى أى مكان فى العالم، ونقدم سينما بتخدم المجتمع حقيقى يعنى مش مجرد الناس تنبسط ويبقى فيلم وخلاص”، مؤكدة: “الفيلم بيقدم قضية مهمة جدا، والسينما لا تقدم حلول لكن تضع إيد الناس على الخطأ فى المجتمع وتخليهم هما يفكروا فى حلول”.
فيلم حظر تجول عرض لأول مرة فى المسابقة الرسمية للدورة الـ 42 من مهرجان القاهرة السينمائى الدولى، والذى اختتم فعاليات خلال شهر ديسمبر الماضى، وحصلت إلهام شاهين على جائزة أفضل ممثلة عن تقديمها لشخصية “فاتن”.
